Онеки жылында окъуна кёргюзтген эди жигерлигинУяналаны Цофанны къызы Шамкъыз, 12 жылында сюргюнде Къазахстанны Мерке элине тюшюп, анда «Новый путь» колхозда ишлегенди, сабанчы бригаданы суу бла жалчытып тургъанды. Къызчыкъны эринмей, неге да тири узалгъанын кёрген таматала экинчи жыл чюгюндюр бригадагъа аладыла. Бир кесекден а ишчи кёрюмдюлери бийикден тигиу этген машина бла да саугъалайдыла. Алай ол жигер таулу къызны хорламларыны аллы эди. 1947 жылда бийик жетишимлери ючюн аны Ленинни орденине тийишли кёргендиле. 1948 жылда уа «За трудовую доблесть» эмда «За доблестный труд в Великой Отечественной войне 1941-1945гг.» майдалла бла саугъалагъандыла. Социалист Урунууну Жигити деген атха да кёргюзтюлген эди Шамкъыз, алай миллети кёчгюнчю болгъаны ючюн ол уллу даражаны анга жетдирмегендиле.
Поделиться:
Читать также:
11.04.2024 - 10:06 →
Къобузну сёлешдирген Нанчыкъ
06.04.2024 - 09:05 →
Къонакъбайлыгъын кёпле сынагъандыла эм жаратхандыла
04.04.2024 - 08:10 →
Биринчи сотовый телефон
03.04.2024 - 10:17 →
Ким биледи, таулулагъа да тюбеген болур…
02.04.2024 - 15:01 →
Бир жерлилерибиз Севастополь ючюн сермешледе
|