Жамауатны жумушларын тамамлауда жетишимле болдура

РФ-ни Экономиканы айнытыу министерствосу  Къырал эм муниципал жумушланы тамамлагъан кёп функциялы араланы электрон халда тамамлагъан ишлерине мониторинг бардыргъанды.  Анга кёре  Къабарты- Малкъар, ахшы кёрюмдюле болдуруп,  рейтингни   18  позициясына     кётюрюлгенди,  деп билдириледи КъМР-ни Башчысыны бла Правительствосуну пресс-службасындан. 

Былтыр  МФЦ-ны бёлюмлери жамауатны   миллионнга жууукъ тюрлю-тюрлю жумушларын  тамамлагъандыла. Ол буруннгу жыл бла тенглешдиргенде, 1,5 кереге кёпдю.  Республикада  715 минг адам неда  83 проценти   идентификация эм аутентификация бардырыу  бир системада (ЕСИА) регистрацияны ётюп,  къырал жумушланы тамамлагъан бир порталны хайырланыргъа онг  тапхандыла. 

Алай бла  буруннгу жылда 500 минг адам неда   республикада жашагъанланы 61 проценти жумушларын  этерча  электрон амалны сайлагъандыла.  Порталда   организацияланы юсюнден информацияны табаргъа,  жангылыкъланы билирге неда  200-ге  жууукъ жумушну тамамларгъа онг барды.  
Саулай алып айтханда,  республикада МФЦ-ны  онеки бёлюмю ишлейди, ол санда элледе  116 специалист урунады. Аны бла бирге бизнесге болушлукъ тапдыргъан  офис эм эки ара  ишлейдиле. 
Былтыр профильли ведомствода  чыгъарылгъан эсеплеге кёре, республиканы  Кёп функциялы арасына   ыразылыкъларын 790 минг адам билдиргенди неда  клиентлени  98 проценти. 

 

Магометланы Сулейман.
Поделиться: