Заводла ишлерге керекдиле

КъМР-ни промышленность эмда сатыу-алыу министри Шамиль Ахубеков эм министерствону промышленность предприятияла бла ишлеген бёлюмюню таматасы Мачраил Гоов бу кюнледе Бахсанда болгъандыла. Къабарты-Малкъарны Башчысыны къуллугъун толтургъанны буйругъу бла ала бюгюнлюкде ишлерин тохтатып тургъан «ДЭКС» эм «ККЗ» предприятияланы таматалары - Светлана Курова эм Мухамед Имамов бла тюбешгендиле. Жыйылыугъа Бахсан шахар округну администрациясыны башчысы  Хачим Мамхегов, экономика, финансла эм хайырланыучу рынок бла предпринимательство бёлюмлени таматалары  Ильяс Гятов эм Ахмед Афаунов да къатышхандыла, деп билдиргендиле администрацияны пресс-службасындан.

Кенгешде заводла ишлерин нек тохтатханларыны   сылтауларын сюзюлгендиле. Ол а: энергоресурсла ючюн борчлары болгъаны, лицензияларыны болжалы ётгени,  конкуренцияны кючлене баргъаны эм башхаладыла.   Ахырында эсепле чыгъара, предприятиялагъа болушургъа, тыш къыралла бла байламлыкъла къураргъа эмда башха мадарла да излерге кереклиси айтылгъанды.

 

Поделиться: