Электрокючню чыгъарыу ёсгенди

Къабарты-Малкъарны отлукъ-энергетика комплексинде былтыр 538,8 миллион киловатт-сагъат электрокюч чыгъарылгъанды. Ол санда 529,6 миллионну ГЭС-ле бергендиле. Белгилеп айтханда, биринчи кёрюмдю республикада хайырланылгъан токну ючден бири болады. Кеси да, буруннгу жыл бла тенглешдиргенде, 28,5 процентге кёбейгенди.

Токну чыгъарыугъа инвестициялы программала толтурула баргъаны себеплик этеди. Эсге сала айтсакъ, былтыр кючю Огъары Малкъарда 10 мегаваттха жетгенгитче гидроэлектростанция ишлеп башлагъанды. Специалистле аны проектин тау тийрелеге келиширча тынгылы жарашдыргъан эдиле. Ол шёндюгю оборудование бла жалчытынылыпды. ГЭС бир жылгъа 61,4 миллион киловатт-сагъат ток чыгъарлыкъды.