Саулукълу жашау бардырыргъа спортну юсю бла юйретирге

Наркоманиягъа профилактика ишни толтурур, жаш тёлюню саулукълу жашау бардырыргъа кёллендирир муратда, волейболдан «Биз наркотиклеге къажаубуз» деген эришиу бардырылгъанды, анга Чегем районну школларыны окъуучулары къатышхандыла.

Эм кючлю Лячинкъаяны 1-чи номерли школуну командасы болгъанды. Экинчи жерни – булунгучула, ючюнчюню уа Лячинкъаяны экинчи номерли школуну келечилери алгъандыла. Эм иги чабыуул этиучюге- Ахкёбекланы Марат, эм иги къоруулаучугъа уа Алик Кодзоков саналгъандыла. Эм иги волейболчу – Амур Кодзоков, байлаучу – Алмаз Гонов, эм иги тренер а Дышеков Замир болгъандыла. Хорлагъан командала кубокла, майдалла, дипломла эм грамотала бла саугъаланнгандыла.

Кульчаланы Зульфия.
Поделиться: