Жангы улоула маршрут ызлагъа чыгъарыкъдыла

Кёп болмай Нальчик шахар округну администрациясы омакъ эм бюгюннгю мадарлагъа келишген  онбеш  жангы ЛИАЗ автобус  сатып алгъанды. Жууукъ заманда ала шахарда маршрутлагъа чыгъарыкъдыла, деп билдиредиле жер-жерли администрацияны пресс-службасындан. 

Белгилисича,  бусагъатда жюрюген гитче автобуслагъа адам аз сыйынады, алагъа  минерге, тюшерге да къыйынды эм  башха кемчиликлери  да кёпдю.  Ол себепден    келир заманда акъырын-акъырын   план бла   пассажир транспортну жангыларына алышыр мурат этиледи.  Ала уа не жаны бла да  адамлагъа тапдыла, ол санда саулукъларында кемчиликлери болгъанлагъа.