Социал предпринимательлеге – ахча болушлукъ

«Наше будущее» фонд «Социал предприниматель – 2019» деген конкурсха къатышыргъа сюйгенлеге заявкала берирге  чакъырады. Ахча болушлукъну жайда алыргъа излегенле аны  биринчи мартха дери  тапдырыргъа керекдиле. Болсада аны жылны ичинде берирге да жарайды, алай хорлагъанла уа  жайда бла кюз артында белгили боладыла. Айтылгъан кезиуге бералмагъанланы заявкаларына жылны экинчи жарымында къараллыкъды.  

Конкурс бу фонд берген баш амалладан бириди. Аны чеклеринде къыйматлы проектлеге процентсиз эки миллион сомдан башлап 40 миллионнга дери бериледи. Аны артха иги кесек заманны ичинде къайтарыргъа онг болады. Конкурсха къатышхан предпринимательлени проектлери  жамауатха болушлукъ тапдырырча, социал проблемаланы тамамларча  болургъа керекдиле. Фонд производствону башларгъа, сакъатланы, абаданланы иш бла жалчытыргъа , сабий садла ачаргъа, медицина арала, кир-кипчикни жарашдыргъан цехле къураргъа да болушады.  Онбир жылны  ичинде Россейни 56 регионунда  234 проектге 601,3 миллион сом  берилгенди.

Конкурсну юсюнден толу хапарны сайтда: http://konkurs.nb-fund.ru  неда бу телефон номерге  сёлешип билирге боллукъду: +7 800 333 68 78.