Ыннама этилген магъансы саугъа

Бу сиз суратда кёрген тигиу этген Zinger къол машинканы мени ыннамы анасы Къаракъызланы Амырханны къызы Хабийге жууугъу,  революционер Къалабекланы Солтан-Хамит ол Къудайланы Сейит бла бир юйюрлю болгъанында саугъагъа келтирип берген эди.

Хабий къолдан уста болгъан, Чегем ауузунда эм андан тышында да аты айтылгъан къыз эди. Ол себепден, мен оюм этгенден, Къалабек улуна анга  къаллай саугъа этерге кереклисини юсюнден артыкъ кёп сагъыш этерге тюшген болмаз.

Тарыхда айтылгъаныча, Солтан-Хамит 1918 жылда Сергей Кировну къоруулай, белгисизни къолундан ёлгенди.  Ол шартны эсге алсакъ, бу машинкагъа 100 жылдан аслам болады.  Аны бла тигиу эте Хабий юйюрюн кёчгюнчюлюк жыллада ачдан сакълагъанды. Бюгюнлюкде да машинка ишчи халдады.

 

 

Таппасханланы Аминат.
Поделиться: