Спартакиадада кючлерин сынарыкъдыла

3 марта, 2021 - 19:20

Февральны ахырында Владикавказ шахарда садакъдан атыудан РСО-Аланияны чемпионаты бла биринчилиги ётгендиле. Анга Россейни къыбыла жанындан командала къатышхандыла. Эки кюнню ичинде 50-ге жууукъ адам эки бёлюмде эришгендиле: классика эм блочный садакъ атыуда.

Эришиуледе бизни спортчуларыбыз да усталыкъларын кёргюзтгендиле.  Эпидемиология болум бла байламлы кёп заманны ичинде была биринчи сермешле болгъандыла. Садакъчыларыбыз анда хунерлерин тас этмегенлерин ачыкълагъандыла.

Кеслерини жыл санларына кёре къауумлада биринчи жерлени Аслан Паштов, Анастасия Пышная, Рустам Дышеков алгъандыла. Экинчи жерде Максим Тимченко, Алихан Бавуков, Тамара Золоева орналгъандыла. «Доммакълагъа» уа Мурачаланы Исмайыл эм Инал Гурижев тийишли болгъандыла.

Эм уста садакъчыгъа Салима Шогенова саналгъанды. Бу къауумну Александр эм Наталья Кулюшинле юйретгендиле.

Эришиуледе «Спорт устасына кандидат» атны къоруулагъанла уа Таганрогда Битеуроссей Спартакиадагъа къатышырыкъдыла.

Додуланы Мадина.
  • 30 просмотров
Поделиться: