Алимле тёгерекдеги къудуретни тазалар амалланы сюзерикдиле

Къабарты-Малкъар къырал аграр университетни башламчылыгъы бла 18-19 мартда вузда «Инженер эмда агроэкосистемалада инновациялы технологияла» (SCOPUS) деген халкъла аралы илму-сынам конференция бардырыллыкъды. Аны ишине Тохоку Университетни (Япония), Экономика университетни – Варна (Болгария), Азербайджанны къырал аграр университетни келечилери къатышырыкъдыла. Конференцияны чеклеринде экология инженерияны, эл мюлк багуушланнганыны эмда агроэкосистемаланы юсюнден ушакъ барлыкъды. Вузда айтханларыча, ол тёгерекдеги къудуретни тазалар амалланы баямларыкъды, экология кризисден къутулургъа онг берликди.

Форумну иши тёрт секцияда бардырыллыкъды: «Инновациялы технологияла, инженер системала эмда агропромышленность комплексде энергетика», «Зооинженерияда бла ветеринарияда тинтиуле», «Къыйматлы агроэкосистемала эм экология-экономика къоркъуусузлукъ», «Экология инженерияда инновациялы технологияла».

Конференциягъа бериллик битеу статьяла ингилиз тилде басмаланырыкъдыла. Бу ишге къатышыргъа сюйгенле тийишли излемле бла университетни Интернет-сайтында шагъырейленирге боллукъдула. Аны адреси буду: https://www.kbgau.ru/nauka/conf/innovatsionnye-tekhnologii-v-inzhenernyk...