Республика производство бёлюмде эсеплери ючюн къыралны жети алчы регионуну санындады

Былтыр  Росстат бардыргъан рейтиннге кёре, Къабарты-Малкъар промышленный производство бёлюмде ахшы эсеплери ючюн  Россейни  жети алчы регионуну санына къошулгъанды.  

Тинтиулени кезиуюнде озгъан жылда  промышленность бёлюмде ёсюм  Россейни 34 субъетинде эсленнгенди.  Аны бла бирге аланы арасында да 10 процент жетишим бла жаланда  жетиси ёхтемленирча болгъандыла,  ол санда  111 процент кёрюмдю бла  Къабарты-Малкъар да.   

 Саулай алып айтханда, былтыр къыралда промышленный  секторда производство 2,6 процентге тюшгенди. Регион даражада къарагъанда,бу жаны бла индекс  Шимал Осетияда - 24,7 процентге эм Тыва Республикада уа 63,1 процентге жетеди. Алай бла бёлюмде  производстволары  азайгъан регионланы саны эки кереге ёсгенди.

Экспертле айтханнга кёре, быйыл башха бир тюрлю уллу кризис сынаргъа тюшмесе, промышленный производство терк айнып башларыгъы сакъланады.  

Поделиться: