Борчунг болгъанын бла къалгъанын бил

   Бу кюнледе Россейни Сюд приставларыны  Федерал службасыны Къабарты-Малкъарда управлениясыны башчысы Бауаланы Ахмат журналистле бла тюбешгенди. Ол алгъаракълада бардырылгъан "Борчунг  болгъаныны юсюнден бил" деген акция къалай бардырылгъаныны юсюнден  айтханды.

    Россейни КъМР-де Сюд приставларыны федерал регион управлениясы "Борчунг болгъаныны юсюнден бил" деген битеуроссей акциягъа тири къатышханды. Аны магъанасы физический эм юридический лицола  право эмда финансла бла байламлы законну тынгылы билирча, компьютерде информацияны къоркъуусузлугъуну жорукълары бла шагъырей болурча эдиудю. Акцияны кезиуюнде  инсанла къаллай билдириуню да  сюд приставланы энчи сайтларында, бу адрес бла https://fssp.gov.ru/, официал амалланы хайырланнганларыны юсюнден айтылгъанды.

       Проект бардырылгъан кезиуде  аслам эс  ахчаны тийишли жерге  ётдюрюу амалгъа бурулгъанды. Инсанлагъа эмда  юридический лицолагъа  борчун Интернетни болушлугъу бла тёлеу тынч болгъаны да эсгертилгенди. Къыралны жанындан жумуш этиуню бирлешгенпорталыны юсю бла  бардырылгъан иш да андан ары тамамланылады. Республикада жашагъанлагъа тюрлю-тюрлю заявленияланы, ходатайстволаны  да электрон амал бла ётдюрюуде болгъан жангычылыкъланы юсюнден да  айтылып, ангылатылгъанды.

       Бауа улу айтханыча, башда сагъынылгъан затладан сора да, жамауат аслам болгъан жерледе ангылатыу, юйретиу жаны бла тюрлю-тюрлю акцияла бардырылгъандыла, листовкала юлешиннгендиле,  реклама болгъанды. Битеу ишле санитар-эпидемиология амалланы хайырланып бла тамамланылгъандыла.

      Керек болса, сюд приставлагъа къалай  тюберге, сёлеширге, аладан билдириуню алыргъа боллукъду деген соруугъа  Бауаланы Ахмат былай дегенди: "Бусагъатда энчи приёмгъа келир ючюн алгъадан жазылыргъа керекди. "Личный приём" деген сервис управленияны официал сайтындады. Аны бла хайырланнган адам, анга тап заманда кюнню къайсы кезиуюнде да жазылыргъа боллукъду. Алгъадан жазылыуну сервиси онлайн халда ишлейди.

      Билдириу бла хайырланырча дагъыда къаллай  амалла бардыла, деп да соргъандыла журналистле. Сюд приставлагъа  сорлугъу болгъан адам Управлениягъа келмей,  электрон амалны хайырланып, «Интернет-приёмная» сайтда (http://r07.fssp.gov.ru/) бу адрес бла  толу хапар билликди. Жаланда адам  электрон обращениясыны формасын толтурургъа керекди.

Гражданла эмда организацияла  письмо жазып жиберирге да боллукъларын айтабыз. Хар бёлюмде алагъа деп энчи кёчюрюлюучю орунла бардыла. Аладан сора да, Сюд приставланы федерал службасыны управлениясында  телефон бла сёлешип болушлукъ этген къауум да ишлейди. Аланы номерлери: 8 (8662) 42 71 60. Ол да гражданлагъа эмда юридический лицолагъа юйлеринден чыкъмай, толу хапар билирча этилген амалладан бириди. Былайда дагъыда чертип айтыргъа тийишлиди: управленияны сайтында  републиканы районларындагъы телефон номерлери да бардыла.