Эсирип жолгъа биринчи кере чыкъмагъанлары ачыкъланнганды

12 февраля, 2021 - 08:10

Автоинспекторла «Кеф водитель» рейдни кезиуюнде 29 бузукъчуну ачыкълагъандыла. Аладан ючюсю жолгъа кеф болуп биринчи кере чыкъмагъанлары тохташдырылгъанды. Алагъа РФ-ни УК-сыны 264.1-чи статьясына кёре терслеу материалла ачылгъандыла.

Рейд бардырылгъан алты сагъатны ичинде уа къырал автоинспекторла   жети кеф водительни тохтатхандыла. 19 инсанны уа  машинаны жюрютюрге эркинлиги болмагъанды.

Жолда жюрюуню къоркъуусузлугъун жалчытыугъа бурулгъан жумушла мындан ары да бардырыллыкъдыла. Право низамны сакълаучула   кеф водительле эмда машинаны жюрютюрге эркинлиги болмай, руль артына олтургъанла бютюнда къоркъуулу болгъанларын эсгертедиле.    Эсирген адам жолда болумгъа тюз оноу эталмайды, ол кесин къалай жюрютюрюгю белгисизди. Машинаны жюрютюрге эркинлиги болмагъанла уа  жорукъланы билмейдиле, аланы сынамлары жокъду. Аны себепли ала авария этериклерине къоркъуу  бютюнда уллуду.

 

Тикаланы Фатима хазырлагъанды.
  • 3 просмотра
Поделиться: