Ветеранлагъа тенг этилликдиле

Россейни Президенти «Житель осажденного Севастополя» деген белги бла саугъаланнганланы Уллу Ата журт урушну ветеранларына тенг этиуню юсюнден федерал законнга къол салгъанды.

 «Житель осажденного Севастополя» деген белги бла удостоверенияны Севастополь шахарны Урунуу эм социал къорууланыу департаментинде алыргъа боллукъду. Анга кёре инсаннга Уллу Ата журт урушну ветераныны удостоверениясы да берилликди. Бу къауумдагъы адамлагъа «РФ-де къырал социал жалчытыуну юсюнден» эм «Ветеранланы юслеринден» федерал законлагъа тийишлиликде, ветеранлагъача, социал болушлукъ этилликди. Сакъатлыкълары болгъанла уа экинчи пенсияны да аллыкъдыла, деп билдиредиле Пенсия фондну регионда бёлюмюню пресс-службасындан.

 

Кульчаланы Зульфия.
Поделиться: