Белгили поэтлени хурметлерине эсгертме орнатыллыкъды

Кёп болмай Чегем муниципал  районну администрациясыны башчысы Юра Борсов Россейни  Художниклерини  союзуну келечиси,  скульптор Станислав Катони бла тюбешгенди.  Тюбешиуге  аны  орунбасарлары Жанкишиланы Жагъафар,  Жанна Арипшева, Тёбен Чегемни бла Шалушканы таматалары Къонакъланы Илияс эм Хачим Кунижев да къатышхандыла.

 Жыйылыуда   Къулийланы Къайсыннга  бла Алим Кешоковха эсгертмеле салырча планнга къаралгъанды.  Ол санда   эскизле бла шагъырейленнгендиле  эмда ала ишленирик  материалланы да белгилегендиле.
Быллай ишни магъанасы    Къабарты-Малкъарны     атын айтдыргъан назмучуланы чыгъармачылыкъларын   танырча,  ала бла ёхтемленирча этергеди эмда халкъланы арасында шуёхлукъну кючлергеди.