Жашау журтлагъа эм аш-азыкъгъа сурам азаймайды

Жыл  башланнганлы  Къабарты-Малкъарда предприятияланы,  организацияланы эм энчи иелилени кючю бла  405,9 минг квадрат метрде    3784  фатар ишленнгенди. Ол былтыр бу заман бла тенглешдиргенде 44,4 минг квадрат метрге  неда 12,3 процентге кёпдю, деп билдиредиле  Кавказстатдан. 

Саулай алып айтханда, эл тийреледе 188,5 минг квадрат метрде  1660 фатар сюелтилгенди. Ол  сагъынылгъан кезиуде саулай республикада   ишленнген жашау журтланы   46,4 процентиди.  Къурулуш организацияла да быйыл  онбир айгъа 40,6 минг квадрат жерде  596 жангы фатар болурча этгендиле, энчи иелиле  да  3188  юй  салгъандыла.  Ол озгъан жылдан  365,3 минг квадрат метрге кёпдю.   Былтыр бу заман бла тенглешдиргенде уа, 39,5  процентге асламды.

Быйыл онбир айгъа фатарла  розница халда  116,4 миллиард сом багъасына  сатылгъандыла. Ол да,  былтыр багъала бла   тенглешдиргенде,   93,2 процентге келишеди.  

Къабарты-Малкъарда  онбир айгъа  аш-азыкъ продукциядан, ичер сууладан эм   тютюнден да  62,1 миллиард сом багъасына эм  башха затха хайырланылгъан  товарладан да 54,3 миллиард сомгъа сатылгъанды. Озгъан жыл бла тенглешдиргенде,  эки къауумда да  100 эм 86,6 процент   ёсюм эсленеди.