Эр киши аманлыгъына женгдиргенди

КъМР-ни право низамны сакълаучулары хыйлачылыкъ бла байламлы аманлыкъны тинтип бошагъандыла. РФ-ни МВД-сыны «Прохладненский» муниципалитетле аралы бёлюмюню следовательлери Сочиден эр кишиге ачылгъан уголовный ишни тинтгендиле. Ол РФ-ни УК-сыны 159-чу статьясыны 3-чю кесегине кёре терсленеди – хыйлачылыкъ.

Тохташдырылгъаныча, эр киши республикада уллу эл мюлкледен бирини электрон почтасына  КъМР-ни Эл мюлк министерствосуну келечисиме деп письмо  жибергенди. Анда ол жандауурлукъ организациягъа терк болушлукъ берилген медицина кабинетни оборудование бла жалчытыугъа ахча бёлюрге  тилекни жазгъанды. 

Концерн письмода белгиленнген счётха 450 минг сомну ийгенди. Ызы бла предприятияны оноучусу Эл мюлк министерствогъа тёлеу жетгенин бла къалгъанын соргъанды. Ол кезиуде ведомство предприятиягъа тилек этмегени ачыкъланнганды. 
Право низамны сакълаучула, оператив-излеу жумушла тамамлап,  бу аманлыкъны Сочини 53-жыллыкъ инсаны этгенин тохташдыргъандыла. Оперативникле Краснодар крайгъа барып, аны тутхандыла. 
 Эр киши аманлыгъына женгдиргенди. Терслеу материалла сюдню къараууна берилгендиле. Быллай аманлыкъ этгенни эркинлиги 8 жылгъа дери сыйырылыргъа боллукъду.