Агропромышленный комплексге болушлукъгъа Россей Федерацияны Эл мюлк министерствосу агропромышленный комплексге (АПК) бёлген бюджет ахча тюзюнлей бёлюмню айнытыугъа жоюлгъанына оператив халда мониторинг бардырады. Аны юсюнден ведомствону пресс-службасындан билдиредиле. Быйыл 12 ноябрьге белгиленнген эсеплеге кёре, АПК-гъа тутхучлукъгъа регионлагъа 123,4 миллиард сом ётдюрюлгенди. Андан жер-жерледе 95,6 миллиард сомну неда 77,4 процентни хайырланнгандыла. Къабарты-Малкъарда уа бу жаны бла болум бирсиледен игиди, аграрчыла ахчадан 1,85 миллиард сомну неда 88,18 процентни алгъандыла. Андан сора да, республикалы бюджетден 118,5 миллион сом къошумчулукъ этилгенди. Республика бюджет ахчаны жумушлагъа тийишли къоратыу бла Шимал-Кавказ федерал округда алчы жердеди. Орта эсеп бла алып айтханда, саулай СКФО-да ол 70 процентге жетерге кёп къалмайды. Къыралдан бёлюннген ахчаны тийишлисича хайырланнганына Эл мюлк министерствода дайым къарарыкъларын да чертгендиле.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
| ||
