Предпринимательлеге не бла билеклик этилгенин айтырыкъдыла

   КъМР-де гитче эмда орта бизнесни айнытыу жаны бла Корпорация, республиканы Правительствосуну болушлугъу бла, бюгюн эмда тамбла семинарла бардырлыкъды. Алада предпринимательлеге бу Корпорация эмда «МСП Банк» акционер общество финансла, гарантияла эмда лизинг жаны бла къаллай болушлукъ бергенлерин билдирликдиле. Аны бла бирге предпринимательлени уллу заказчиклени излемлерин жалчытыуну энчиликлери бла шагъырейлендирликдиле.

 Алай бла бюгюн семинаргъа къатышыргъа КъМР-ни толтуруучу власть органларыны, муниципалитетлени, гитче эмда орта предпринимательствогъа себеплик этиу инфраструктураны эмда кредит учрежденияланы келечилери чакъырыладыла. Жыйылыу кюндюз сагъат бирден башлап, ингирде жетиге жыйырма минут ишлегинчи бардырыллыкъды.

Тамблагъы семинаргъа уа: предпринимательлени регион жамауат биригиулерини, эл мюлк кооперативлени, элчи (фермер) эмда иели мюлклени келечилерин, гитче эмда орта предпринимательлени, вузланы студентлерин эмда илму жамауатны келирлерин сакълайдыла. Ол эрттенликде сагъат тогъуздан башлап, ингир алада сагъат бешге бери бардырыллыкъды.

Семинарланы экиси да хакъсыздыла. Ала Къабарты-Малкъар къырал университетде ётерикдиле. Аны адреси: Нальчик ш., Чернышевского атлы орам, 173, баш корпус, актовый зал.

Регистрацияны юсю бла эмда анкетаны толтурур ючюн Къабарты-Малкъар Республиканы Экономиканы айнытыу министерствосуна (8662) 40-80-82 эм 40-64-92 номерле бла сёлешигиз.