Теркирек аякъландырырчаБыйыл Россейде гитче мюлклеге себепликге деп къырал 15,3 миллиард сом къоратырыкъды. Озгъан жыл бла тенглешдиргенде (11 миллиард) ол 40 процентге асламды, деп билдиргендиле КъМР-ни Эл мюлк министерствосундан. Ал тергеулеге кёре, ахча 3200 фермер мюлкге бла эл мюлк кооперативге юлешинирикди. Дагъыда «Фермерлеге себеплик этиу системаны къурау эмда элледе кооперацияны айнытыу» деген федерал проектни чеклеринде быллай мюлклени бла кооперативлени айнытыугъа къошакъ халда 5,3 миллиард сом берилликди. Аны хайыры бла быйыл 18200 чакълы жангы предприятие къураллыкъды. Былтыр энди ишлеп башлагъан 2353 фермерге, 716 юйюр мюлкге эмда 214 эл мюлк кооперативге болушлукъ берилгенди. Аны бла бирге, буруннгу жыл бла тенглешдиргенде, грантны орталыкъ ёлчеми да кёбейгенди. Сёз ючюн, энди ишлеп башлагъан фермерлеге ол 2,06 миллион сом болгъанды (2017 жылда – 1,77), юйюр мюлклеге – 7,75 (6,11) эмда эл мюлк кооперативлеге 15,51 миллион сом (10,75). Элледе гитче эмда орта предпринимательство теркирек айнып башларча онгла къурау – къыралны агропромышленность жаны бла политикасында баш магъаналы ишлеринден бириди.
Поделиться:
Читать также:
17.03.2021 - 08:10 →
Жалгъан сютню белгилери
12.03.2021 - 16:06 →
Алма терекни орунуна башха зат ёсюп къалмазча
22.01.2021 - 16:44 →
Хауле итлени кёплюгю къоркъуу чакъырады
13.01.2021 - 08:15 →
Ток бла ишлеген прибор кюйгенине ким жууаплыды?
26.08.2020 - 08:05 →
Къоркъуулу чечек жайылмазча
|