Алтын майдаллагъа бла дипломлагъа тийишли болуп къайтхандыла

Кёп болмай Москвада тёрели «Алтын кюз-2020»   битеуроссей агропромышленный  кёрмюч болгъанды. Анда  Къабарты-Малкъардан тёрт предприе   «Къумалы эм товар малчылыкъ жаны бла ахшы жетишимле кёргюзтгенлери ючюн» деген алтын майдаллагъа бла  бир ненча дипломгъа тийишли болгъандыла. Аны юсюнден  КъМР-ни Эл мюлк министерствосуну пресс-службасындан билдиргендиле.    

Алай бла бу жол «Сют малчылыкъ» бёлюмде  алтын майдалгъа бла дипломгъа Чегемден «Агро-Союз» биригиу тийишли болгъанды. Бюгюнлюкде мында  иги кесек сют берген голштин ийнеклени жайгъандыла эм аланы жаш тёлюсюн ёсдюрюрча  мадар да этиледи.

Черек райондан  «Горно-Альпийский»,«Гарант-А»  эм «Дарган» мюкле да  «Эт малчылыкъ»  жаны бла алтын майдалла эм   дипломла бла саугъаланнгандыла. Ала якланы, тууарланы къалмукъ тюрлюлерин эм къумалы къойланы  жайып  кюрешедиле. Эсге сала айтсакъ, бу жолгъа дери да  даражалы эришиуледе   аланы бир къауумуна    бийик багъа берилле  тургъанды.

Магометланы Сулейман.
Поделиться: