Акъсакъалны аламат саугъасыМиллетибизни адабият дуниясы энтта да бир китап бла байыкъланнганды. Бир ненча кесекден къуралгъан «Унутулмасын халкъымы эсинде» деген чыгъарманы автору огъарымалкъарлы Бичиланы Османны жашы Хусейди. Автор миллетде сыйы жюрюген акъсакъалларыбыздан бириди. Жашаууну асламын Хусей Османович устазлыкъгъа бергенди, кеси да РСФСР-ни халкъгъа билим бериуюню отличнигиди. Энчи эсни ол миллетни тарыхына, аны къурагъан адамланы къадарларына бёлгенди. Кёп жылланы ичинде ол «Коммунизмге жол», ызы бла уа «Заман» газетге да статьяла бла очеркле жазып тургъанды. Китапда да ала аслам жерни аладыла. Биринчи кесеги миллетибизни адет -тёрелерине бла этнографиясына жораланыпды. Авторну сёзге усталыгъына биз, аны назмуларын окъуй, энтта да бир кере тюшюнебиз. Сёз ючюн, 1990 жылда жазылгъан «Нарт батырланы туудугъу» деген назмусун ол Совет Союзну Жигити Уммайланы Мухажирге жоралагъанды: Ёхтемленебиз сени бла, Алгъышда айта атынгы. Ыспас сёз бла сагъынабыз Сени анангы-атангы,
Поделиться:
Читать также:
27.03.2024 - 19:41 →
Танг кесек консерва чыгъарылады
22.03.2024 - 15:38 →
Эллилеге бла къонакълагъа таплыкъгъа
22.03.2024 - 15:38 →
Кёпюрню къурулушу къыстау барады
22.03.2024 - 15:20 →
Жолла мардалагъа келиширча
21.03.2024 - 09:35 →
Автовокзалны шахардан тышына чыгъарлыкъдыла
|