СНИЛС-ни алыу, алышындырыу эмда къайтарып жарашдырыу

РФ-ни Пенсия фондуну органларында жыл сайын беш миллион адам регистрацияны ётюп, СНИЛС къоллу боладыла. Бу документ, пенсияны къураргъа керек болгъанындан сора да, льготаланы эмда къырал жумушланы электрон халда алгъанда изленеди.

Сабийлеге СНИЛС

Онтёрт жылы толмагъан сабийни атасы неда анасы паспортларын эмда сабийни туугъанына шагъатлыкъ этген къагъытын алып, Пенсия фондха неда МФЦ-гъа барыргъа боллукъдула. Жыл санлары андан атлагъанла уа бу жумушну кеслери тындырыргъа боллукъдула.

Быйыл 15 июльдан сора туугъан сабийге СНИЛС-ни жарашдырып айланыргъа кереклиси жокъду. Энди ЗАГС-дан информация тюзюнлей Пенсия фондха жибериледи. Анда ол жарашдырылады, ызы бла сабийни лицевой счётуну номери аны анасыны энчи кабинетине жибериледи. Быллай амал Госуслуги порталда барды. Аны ючюн анда регистрацияны ётерге керекди.

Тышындан сабий алгъан юйюрле уа СНИЛС-ни алгъынча заявление жазып алай жарашдырыргъа боллукъдула.

Тамата тёлю уа?

Ала документни алырча паспорт бла Пенсия фондну неда МФЦ-ны бёлюмлерине барыргъа керекдиле.