Агропромышленный комплекслеге - болушлукъгъак

Быйылгъы  жыл башланнганлы Къабарты-Малкъарда   «Россети  Шимал  Кавказ» компанияны бёлюмю 81 чакълы агропромышленный  комплексни  6,5 МВт ток бла жалчытханды, деп билдиредиле  биригиуню сайтында.  

Аланы арасында эм уллу предприятияла терк айныгъан    терек бахчалыкъладыла.   Эсге сала айтсакъ, бу жаны бла республика къыралда  алчы жерни алады. Ол санда  «Сады Эльбруса» эм уллу мюлкледен бирине саналады.  Бюгюнлюкде ол  Прохладна  районда да  садлагъа   жангы жерлени  хазырлай турады. Бусагъатда анга  640 кВт ток тартылгъанды.      Чегемде да жемишле сакъланнган энчи   объект  600 кВт ток бла жалчытылыннганды.     Урвань районда алмаланы жарашдыргъан цехни да производствосу ёсе  баргъаны  бла байламлы компаниягъа   электрокючню 500-ден 665 кВч дери кётюрюрча   эсгертгендиле. 

Аны бла бирге арт заманда республикада терек бахчалыкъны айнытырча мурдор да тири  къуралады. Бусагъатда  окъуна питомникле  ишлейдиле, терекчиклени къысарча  бетондан чыпынла, алмаланы жыярча эм сакъларча пластик  ящикле да чыгъарыладыла.  

- Республикада эл мюлк комплексни  айнытыуда  энергетиклени  къыйынлары уллуду. Ала энергокюч бла  жараусуз  этгенлери ючюн  бек ыразыбыз-, дейди КъМР-ни эл мюлк министри Хасан Сижажев. 

Жылны ахырына дери  энергетикле  энтта да   80 эл мюлк предприятияны ток ызлагъа къошарыкъдыла. Алагъа  саулай 8 МВт кюч ток берилликди.

Магометланы Сулейман.
Поделиться: