Эл мюлк продукцияны производствосу ахшы эсепле кёргюзтеди

Къабарты-Малкъарда быйыл сегиз айгъа эл мюлк бёлюмде къармашхан предприятияла  25,7 миллиард сом багъасына продукция чыгъаргъандыла. Былтыр бу заман бла тенглешдиргенде, ол 103,7 процентге асламды, деп билдиредиле  Кавказстатдан.

Сагъынылгъан кезиуге  тууарланы  бла юй къанатлыланы этинден 66,6 минг тонна сатылгъанды,  былтыр бла тенглешдиргенде, ол 102,2 процентге кёпдю. Сютден да
319,5 минг тонна сауулгъанды ол да  104,6 процентге асламды  эм жумуртхаладан  137,7 миллиону чыгъарылгъанды, мында да   2,6 процент ёсюм эсленеди.    
Быйыл биринчи сентябрьге  эсеплеге кёре,  республикада сегиз айны ичинде   тууарланы саны  132,6 мингден  271,2 мингнге дери ёсгенди.