Кезиулю эл мюлк ишлеге - 190 миллион сом

Быйыл сентябрьде  чыгъарылгъан эсеплеге кёре, озгъан алты айгъа  Россельхозбанкны Къабарты-Малкъарда бёлюмю (РСХБ) гитче эм орта бизнесни келечилерине  350 миллион сомгъа жууукъ ёнкюч бергенди. Ол санда кезиулю эл мюлк ишлени бардырыргъа 190 миллион  сом. Саулай айтханда уа,  бюгюнлюкде 200 миллион  сом багъасына заявка берилгенди.

- Россельхозбанк агропромышленный комплексге тутхучлукъ этген магъаналы  финанс учрежденияладан бири болгъанлай къалады.  Ол жерчиликде къармашханла ишлерин кезиуюнде тамамларча эм ёнкючле да  къыйматлы  болурча    аслам эс  бургъанлай турады, - дейди РСХБ-ны гитче эм орта бизнесни клиентлери бла ишлеген бёлюмюню  таматасы Залим Алоков.

Магометланы Сулейман.
Поделиться: