Бай тирлик къууандырады

11 сентября, 2020 - 09:01

Черек районда картофну жыйып башай турадыла, деп билдириледи муниципалитетни пресс-службасындан.

Бюгюнлюкде  мюлклени барысында да   233 гектар чакълы бирде тирликни  75 проценти  кетерилгенди. Быйыл хауа болум артыкъ иги болмагъанына  да къарамай, гетардан 230 центнер картоф чыкъгъанды.  Орта эсеп бла алып айтханда, саулайда республикада ол 206 центнерге жетеди.  

Аны бла бирге Зарагижде  бла Жемталада   арендаторла нартюхню терк бишген  «Бондюэль» тюрлюсюн  орадыла. Быйыл ол  230 гектар  чакълы бирде  ёсдюрюлгенди. Аны къол бла жыярча мадар да этиледи. Бу амал бла да  бир гектардан 20-25 минг качан алынады. Бусагъатда аны опт багъасы 13-14 сомгъа жетеди. Саулай айтханда, аны  эл мюл производительлеге файдасы уллуду.   

Магометланы Сулейман.
  • 15 просмотров
Поделиться: