Витаминлеге бай аш-азыкъ

Къозла жюрекге хайырлы битимледен бирине саналадыла, дегенди саулукъ сакълау биригиуню Гарвард школунда медицина илмуланы доктору Марта Гуаш Ферре. Аны юсюнден «Газета.Ру» билдиреди.

Анда айтылгъанына кёре, бу продуктда альфа-линоленовая мыстылыгъы кёпдю. Ол омега-3 мыстылыкъ башхаладан эсе къозлада кёпдю.

Аланы ашда хайырланыу жюрекни аурууун тыяргъа боллукъду, сууукъ болуудан да къоруулайдыла, деп ангылатады Ферре.

Терапевтлени бла кардиологланы Россей илму медицина обществоларыны келечиси Андрей Кондрахин алгъадан да айтханды крупаланы адамны саулугъуна хайырлы болгъанларын. Ала аш орунну бла чегилени иги ишлеулерине болушлукъ этгенден сора да, жюрек-къан тамырланы да болушлукъчуларыдыла.

Зынтхы адамны чархындан холестеринни чыгъарады, аш орунда язва болууну да тыяды. Аш орунну бла чегини ишлеуюне да себеп болады.

Гречканы да хайырлыгъы аз тюйюлдю, дейди специалист. Жюрек-къан тамырланы бла нерваланы ишлеулерине да себепди. Будайны хайырлыгъы да артха къалмайды. Анда РР эм В витаминле кёпдюле, ол аш оруннга, чегилеге, жюрекни нерва чулгъамларына да хайырлыды.

Кетенчиланы Зульфия хазырлагъанды.