Сизге кесекеле тийген эселе…

Алгъын ауругъаннга дарман тапхан къыйыныракъ эди. Бюгюнлюкде уа ол жаны бла эркинди. Аланы энчи аптекаладан сора да, тюкенледе окъуна сатадыла. Болсада жалгъан дарманла кёпдюле деп хапарла жайыла турадыла да, алагъа ийнанмагъанла асламдыла.

Бир бирле халкъ медицинаны сайлап, анга ышанадыла. Аны да кесини усталары бардыла. Ала тюрлю-тюрлю хансланы, тамырланы жыйып, дарманла этедиле. Аладан бири Нальчикде жашагъан Валерий Бетрозовду.

Алгъаракъда ол бизде къонакъда болгъанды да,  сууукъ тийип ауругъанлагъа багъарча бир амал юйретсенг эди деп тилеген эдик. Ол бизге билдирген  багъыу амалладан бирин жазайыкъ.

- Адамгъа кесекле тийселе, аны къызыуу кётюрюледи, терен жётел этеди, башы, санлары ауруйдула. Къауум кюнню ишге-жумушха да жараусуз болады.
Алай ауругъанланы тёрели медицина химия эм башха дарманла бла багъадыла. Халкъ медицинада уа быллай амал  да  барды. Уллу  стакан бла бир марокону мияла банкагъа салып, аны юсюне бир литр бла жарым аракъы къуяргъа керекди. Сора аны эки ыйыкъны къарангы жерде тутаргъа.
Сора ингир сайын аны эки чай къашыгъын бир стакан жылы сютге къошуп ичерге. Сабийлеге бир чай къашыкъ къошулса да болады. Алай этген саусуз юч кюнден игиге айлана башлайды.

Валерий Бетрозов КъМР-ни халкъ медицинасыны ассоциациясыны келечисиди, кёп тюрлю ауругъанлагъа къарайды, онг тапдырады. Телефон бла да консультацияла береди. Кесине да  8 (903) 493- 30-59 неда 8 (938) 079-66-69 номерле бла  сёлеширге боллукъду.