Нальчикде «скорыйлени» жетишмегенлерини сылтауу неди?

1 февраля, 2019 - 09:50

Нальчикде «скорыйле» жетишмегенлерини юсюнден ТАСС агентствону энчи корреспонденти Герийланы Асият билдиреди. Аны сылтауу шахарда кесекледен  ауругъанланы саны ёсгениндеди.

Министерствону пресс-службасы берген информациягъа кёре, шёндюге дери суткагъа  терк болушлукъ берген бригадаланы  250-270 кере чакъыра эдиле. Энди ол кёрюмдю иги да ёсгенди. Бюгюнлюкде иш юсюнде 27 бригададан жаланда 20-сы ишлейди. Аны сылтауу уа медицина ишчиле кеслери да ауругъанлары бла байламлыды.

Орта эсеп бла алып къарагъанда, терк  медицина болушлукъ берген службала  специалистле бла артыгъы бла окъуна жалчытылыныпдыла.     Роспотребнадзорну республикадагъы управлениясы билдиргеннге кёре,  кесекледен ауругъанланы саны  мардадан азды. Лабораторияла да гриппден ауругъанланы ачыкъламагъандыла.

КъМР-ни  Жарыкъландырыу, илму эм жаш тёлюню ишлери жаны бла министерствосу билдиргеннге кёре, республиканы школлары ишлегенлерича ишлейдиле, карантин кийирилмегенди.

 

  • 14 просмотров
Поделиться: