Эл-Тюбюде Маданият юй жангыртылады

«Культура» миллет проектни чеклеринде Эл-Тюбюнде Маданият юйде тынгылы жангыртыу ишле бардырылып башланнганлы талай заман болады. Шёндюледе ол эбине жете турады, деп билдиргендиле Чегем районну жер-жерли администрациясыны пресс-службасындан.

Объектни ремонтуна битеу да 2,5 миллион сом къоратыллыкъды. Подряд организацияны адамлары аны башын, эшиклерин, терезелерин, отоу тюплерин  алышындыргъандыла, инженер коммуникацияларын да жангыртхандыла. Дагъыда 120 къараучугъа къуралгъан концерт залны сахнасы да тап болгъанды. Шёндюледе уа сюртюу-бояу ишле барадыла. Айтханларына кёре, аланы барын да келир айны биринчисине бошарыкъдыла.

Элни Маданият юйю 1967 жылда ишленнген эди. Андан бери анга тынгылы бир кере да ремонт этилмегенди, деп белгилегендиле муниципалитетни администрациясында.

Бизни корр.
Поделиться: