Эльбрусиаданы кезиулю къууанчы

Къабарты-Малкъар  жыл сайын бардырылгъан  «Эльбрусиада» фестивальгъа къатышханлагъа  жылы тюбейди. Быйыл ол бешинчи кере бардырыллыкъды эмда Уллу Хорламны 75-жыллыгъына жораланырыкъды. Бу магъаналы жумушну Россей  альпинизмни федерациясы бла Евразиялы альпинизмни ассоциациясы къурагъандыла.

Хазырланыу ишле бир ненча кюн мындан алгъа башланнгандыла эмда он кюнню ичинде асламлы ёрлеуню энчиликлерин тынгылы тинтирикдиле, уста альпинистле лекцияла окъуп, мастер-классла кёргюзтюрюкдюле.

Фестивалны къууанчлы халда официал ачылыуу 12 августда боллукъду. Онтёртюнде уа  Европаны эм бийик тёппесине жюзден аслам  адам  ёрлеулерин башларыкъдыла.

ТОКУМАЛАНЫ Салим.
Поделиться: