Нартюхню оруу къыстау барады

Кёп болмай Нальчикде «Зелёная компания» биригиу сабанларында татлы нартюхню оруп башлагъанды. Бюгюнлюкде аны  1,1 минг тоннасындан 1,4 миллион консерва чыгъарылгъанды. ⠀Эсге сала айтсакъ, продукция къысха заманны ичинде жарашдырылгъаны себепли кесини энчилигин тас этмейди. Ол,  рынокда сурамгъа кёре, темир банкалагъа къуюлады. Алай болса,  транспорт бла элтирге эм сакъларгъа да къоркъуусуз болады. ⠀Быйыл республиканы сабанларында татлы нартюхден былтырдача 1.2 минг гектар салыннганды. Озгъан жылда «Зелёная компания» 54,5 миллион банка хазырлап сатханды. Быйыл а заводда андан иги да  кёп алыр муратлыдыла.