Телефонла колониягъа жетмегендиле

ФСИН-ни Къабарты-Малкъарда Управлениясыны ючюнчю номерли колониясыны келечилери ол учрежденияда (тутмакъда) олтургъанлагъа хайырланыргъа кеслеринде тутаргъа окъуна эркинлик берилмеген затла жетдирирге умут этгенлени жолун кесгендиле. Ведомствода айтханларыча, бу кюнлени биринде колонияны ич тийресинде контроль бардыргъан кезиуде дежурный сменни келечиси тогъуз чулгъам тапханды. Аланы ачханда, ичлеринде онеки сотовый телефон, юч наушник, юч зарядный устройство эмда тёрт а сим-карта кёргенди.

Дагъыда ол кюн окъуна ингирде энтта да эки чулгъам табылгъанды, тёрт сотовый телефону бла. Этилген мадарланы хайыры бла тюрмеде олтургъанла «саугъасыз» къалгъандыла, учрежденияда уа служебный тинтиуле башланнгандыла.

 

Улбашланы Мурат хазырлагъанды.
Поделиться: