Мамыр жашауну келтиргенлени утунмазгъа

Кёп болмай  Къабарты-Малкъарны Эл мюлк министри Хасан Сижажев Уллу Ата журт урушну эм тылны ветеранларын  9 майны  байрамы бла  алгъышлагъанды, деп билдиредиле ведомствону  пресс-службасындан.   

- Уллу   Хорламны келтирир  ючюн  жанларын, къанларын аямай, бизге  мамыр эм насыплы жашауну бергенлени  унутмазгъа эм ыспас этерге  борчлубуз.  Саулукълу эм узакъ ёмюрлю болугъуз, биз не заманда да сизге болушургъа хазырбыз, - дегенди министр.  

Ол кюн министерствону атындан тылны ветераны Залийханланы Фатиматха,  фронтчу, Социалист Урунууну Житигити  Николай  Евтушенкогъа,  концлагерьни узниги Мендель Брофманнга, фронтчу Екатерина  Артюховагъа  аш-азыкъ керекледен хуржунла эм ахча бла саугъалагъандыла.
Абаданла да аланы быллай магъаналы   кюнде  унутмай багъалагъанлары ючюн къонакълагъа   ыразылыкъларын билдиргендиле.