Къочхарла тизгинлиликни жаратадыла, Эгизле уа тилчилени огъурамайдыла

Биз адамланы къылыкъларында, сыфатларында бир - бир кемчиликлерин ахырысы бла да жаратмайбыз.  Алада уа зодиак  жулдузларыбызны магъаналары да уллуду. Алай, бирси жанындан а, Мараучуланы неда  Айырычабакъланы къарыусуз жерлерин  билсенг, аланы ангылагъан тынчыракъ болады, кечерге,  келиширге, кенгеширге да.

Къочхар 21.03 – 20.04

Къочхарлагъа тыйгъычла болмагъанча кёрюнеди.  Ала кеслерини умутларына жолларындан таймай барадыла.  Алай!  Эригиулюк бла ишлемей турургъа сюйгенлери аланы ахырысы бла да бузуп къояды.  Алагъа жангы башламчылыкъланы, жумушланы табаргъа болушугъуз, ызыгъыздан тизигиз. Юйреннген мардалагъа сыйынмагъанлыкъ аланы  таукеллендирикди.

Кёбюсюнде  заманны санай билген Къочхарла кеч болууну кёрюп болмайдыла.  Аланы къатында аз ётюрюк окъуна айтмагъыз.  Кечмезле.  Аны къой да, тенгликни окъуна бузарла. Ушагъыусуз  кийиниу, кир фатар, ушакъ нёгеринден аман ийис чыгъыу Къочхарны  къутуртургъа окъуна боллукъдула.

Тана 21.04 – 20.05

Тана сюймеген адамы бла ушакъ къураргъа излерик тюйюлдю. Ол юй жумушланы тамамлап  айланса сюемисиз?  Аны юсюнден  хыны этип бетине айтмагъыз, ол аны къогъузтуп, чюйресине бурлукъду. Тана ишин киши айып этмезча тамамларгъа сюеди. Эмда ол ышаны тёгерекдегилени  махтаууна тийишли болса, къууанады.

Тана тириди. Аны къатында биреу ишсиз – кючсюз турса, ол кеси кесине сыйынмай башлайды. Жарлылыкъдан бек къоркъады. Къыстырыкъла этип туруучу къылыгъы да аны себепли ангылашымлыды.

Алай битеу да бирге алып айтханда, ол къызгъанч тюйюлдю, бир-бир адамла алай къутсуз нек болгъанларын да ангылаялмайды.

Эгизле 21.05 – 21.06

Кеслерин энчи кёргюзтюрге, башхаланы юйретирге кюсейдиле. Ол къылыкъларына чырмау этсегиз а,  душманнга саналлыкъсыз. Къаты график, заман чекле – быланы барысын да Эгизле кёрюп болмайдыла.

Бу белгини келечилерине тюйюш-уруш ачарча болумланы къурамагъыз. Ала бир жанына кетерикдиле, алай экинчи кере сизни бла ахырда жууукълашмазла.

Эгизлени къатында тилчилик бла да кюрешмегиз. Ала ушагъыгъызгъа артыкъ къатышмазла, хыны айтып, сизни да тыярла.

Айырычабакъ 22.06 – 22.07

Аыйрычабакълагъа ана эмда магъаналыды. Аны юйюрюню юсюнден жаланда хурмет бла сёлешигиз. Тохташыулукъ, тамблагъы кюннге ийнаныулукъ бу белгиге эмда къыйматлы кёрюнедиле. Ол затлагъа къол кётюрсегиз, Айырычабакъгъа ахырысы бла да ариу кёрюнюрюк тюйюлсюз.  Бошуна хапар айтхан, сёзлерине ие болмагъан адамла бла ала экинчи кере тюбеширге излерик тюйюлдюле.  Айырычабакъла терк юйренедиле.

Аланы тюкенледе кёп айланыргъа борчламагъыз. Ала аны ахырысы бла да сюймейдиле. Быланы  бош заманлары болургъа керекди: машиналары, компьютерлери бла кюреширге,  окъургъа, тигерге, макъамлагъа тынгыларгъа. Ол алай солургъа сюеди. Бу затлагъа чырмау болса, ауруп тебирерикди.

Аслан 23.07 – 23.08

Асланланы къатларында къызгъанч, сынсып тургъан ууакъ адамла  болмайдыла. Ала эмда тийишлилени сайлайдыла.

Асланны кёз къарамларына ахырысы бла да кесамат этмегиз! Не киерге, не саугъаларгъа  юйретмегиз.  Неда бек жумушакъ, осмакълап билдиригиз.

Ала  ишеклиликден толудула.  Жаланда сюйгенине ийнанмаулукъ бла чекленмей,  шуёхларын неда къарындашларын бла эгечлерин да  бу жаны бла къыйнайдыла.  Арада болургъа излейдиле. Бу белгини келечилерине артыкъ эс буругъуз,  ала аны багъалай билликдиле.

Гитче терсликни окъуна кечаллыкъ тюйюлдюле.  Аны юсюнден жылла озгъандан сюра да айтыргъа боллукъдула.  Алайды да,  Аслан бла татлы жашаргъа сюе эсегиз, халатларыгъызны заманында тюзетирге кюрешигиз.  

Къыз 24.08 – 23.09

Жумушакъдыла, тынчдыла. Алай ол жаланда тышындан былай  кёрюнеди.  Бу зодиак белгини бийик излемлерине келише эсегиз,  насыбыгъыз барды!

Ала тизгинсизликни ангыламайдыла.  Кир юй? Жууулмагъан чурукъла? Сиз Къызны андан сора кёрлюк тюйюлсюз.

Аны бла бирге бу белгини келечилерин ахчаларын жояргъа жаланда керти сезим кёллендирикди.  Ырысхыны желге къуюучуладан тюйюлдюле ала.

Базманла 24.09 – 23.10

Жууашла, къаугъаны излемегенле. Ала кёпге тёзерикдиле. Кюн сайын бир заманнга ишге барып туруу а къыйнайды.  Ала эркин художникледиле!

Бу белгини келечилерине къычырмагъыз.  Байлыкъ бла сейирсиндирирге да кюрешмегиз. Базманла анга артыкъ уллу эс буруучуладан тюйюлдюле.

Былагъа экиден бирни сайларча болумланы къурамагъыз.  Аны ахыры иги бла бошаллыкъ тюйюлдю.

Акъырап 24.10 – 22.11

Кесамат бла Акъырап – келишген затла тюйюлдюле. Анга къайда да биринчи болургъа керекди. Экинчилик аны ачыуландырады.  Кесамат этерге сюе эсегиз, аны аллында иги кесек заманны  махтап, алай башлагъыз.

Акъырап ингирлик байрамланы, корпоратив жыйылыуланы да артыкъ сюймейди.  Дагъыда ол бетсизликни,  ётюрюкню, жашырын сагъышларына тюшюнюрге излеуню кёрюп болмайды.

Жангы болумлагъа къыйын юйренеди.  Планларын бла умутларын тюрлендирирге тюшюуге да чыдаялмайды. Акъырапла тохташхан тёреледе ырахатлыкъ табадыла.  Бирсиледен да аны излейдиле.

Мараучу 23.11 – 21.12

Жашауну сюйген Мараучула тарыгъып, жиляп тургъанланы сюймейдиле. Ёнкюч берирге да ыразы тюйюлдюле. Алай багъалы саугъала этедиле эмда  ресторанлада уллу счётланы кеслери тёлерге  излейдиле.

Мараучу бир затда окъуна айырмалы болургъа итинеди. Алай тюйюл эсе уа, жашаудан толу къууаналмайды. Аланы ашатып, махтап турсагъыз, къолгъа эталлыкъсыз.

Текемюйюз 22.12 – 20.01

Текемюйюз юйретип турсала сюймейди.  Алгъа ол эшитмегенча этер, артда уа тюбешиулеригизни къурамазгъа сылтаула да табар. Бошуна хапар айтып тургъанла бла да жууукълашмаз. Ишинде жарым жолда тохтатханланы да артда кёрюрге тартылмаз. Ол аланы кёрюп боллукъ тюйюлдю, угъай, эшитмегенча, билмегенча этерикди. Аны уа Текемюйюз башхаладан эсе игирек кёргюзталады.

Хар заманда да болушлукъ тапдырыргъа хазырды, алай жетишимлеге итинмегенлени уа сюймейди.

Суукъуй 21.01 – 20.02

Суукъуй борчлу халда ишлени тамамлауну кёрюп болмайды. Сиз бу зодиакны келечисин жууукъ этерге сюе эсегиз, кесигизни жангы оюмларыгъыз  биринчи аны акъылына келген сундуругъуз.Суукъуйну къатында уллу ахча къоранчла этмегиз, ол аны къылыкъсызлыкъгъа санайды.

Экспериментлени жаратмайды, тамблагъы кюннге ышаныулукъ болмагъаны аны къоркъутады. Юй жумушланы, тизгин жыйыуну, итиу салып кюрешиуню эригиулюге санайды, этерге да ашыкъмайды.

Тохташхан юлгюлени сюймейди. Бу белгини келечилеринде кеси жангызлай башхалагъа къажау сюелгенле да кёп тюбейдиле.

Чабакъла 21.02 – 20.03

Чыгъармачылыкъ адамла болгъанлары себепли Чабакъла эригиулю адамланы сюймейдиле.  Ала жылтырап, тёгерекдегиледен ариу сёзле эшитип турууну излейдиле.

Тюз болмагъанларын кёре эсегиз да, даулашмагъыз.  Ала кеслери жангылыргъа  эркиндиле. Чабакъланы жетишимлери эсленмей къалсала, ол аланы къозутхан этеди.

Алдаргъа кюрешселе, къутурургъа боллукъдула. Ала тёгерекдеги затланы, кёз къарамларын да терк-терк алышындыра турургъа ёчдюле. Алай болмаса, ауруп къалыргъа къоркъуу чыгъады.