Къыйын кезиуде бизнесге себеплик этиледи

РФ-ни Налог службасындан  шёндю бу коронавирусну хатасындан чыкъгъан чырмаула ючюн налогланы аванс эмда страховой тёлеулени кечирек берирге болурун билдирген эдиле алгъаракъда. Анга ким тийишли болгъанын билир ючюн а Интернетде сайт ачхандыла. Аны адреси ма буду: https://service.nalog.ru/covid2/. Ары киргенлеге жаланда ИНН-ни неда ОГРН-ни жазаргъа керекди. Сагъынылгъан амалны берирге онг бар эсе, система заявкала къурайды.

Быллай себеплик этиуге бир талай сфералада ишлеген, кеслерине да бу ауруу жайылып тебирегени ючюн къоранчла этерге тюшген организацияла бла энчи предпринимательле тийишли боллукъдула. Ол сфераланы тизмесин Россей Федерацияны Правительствосу жарашдырады. Муну бла бирге бизнесге энтта да не бла болушлукъ этилгенин билирге сюйгенле службаны https://www.nalog.ru/rn77/business-support-2020/ сайтында информация табарыкъдыла.