Электрокюч комплекс сылтаусуз ишлерча

 Белгилисича, бюгюнлюкде коронавирус жукъгъан ауруу бла байламлы къыралда энчи болум сакъланады. Ол себепден  энергетикле да эпидемия къоркъуусузлукъгъа аслам эс бурадыла.  Аны бла бирге  электрокюч  комплексни  кюз эм кыш кезиуге хазырлау  къыстау барады. Ол санда  подстанциялагъа, ток ызлагъа эм башха объектлеге   ремонт этиледи.  

"Россети Северный Кавказ"-"Каббалкэнерго" компания  35-110 кВ кюч бла ишлеген 73 уллу подстанциягъа къарайды. Жууукъ заманда аланы барында да диагностика, сынау  эм ремонт ишле да  бардырыллыкъдыла.   Бусагъатда   21 трансформаторгъа бла  27 жау выключательге ремонт этип бошагъандыла.  

Кёп болмай специалистле алты минг адамны, юч школну,  эки садикни, Маданият юйню, 52 гитче эм орта предпринимательлени ток бла жалчытхан,   110 кВ кюч бла ишлеген «Каменномостская» подстанцияда жау выключательге  тынгылы ремонт этгендиле.  Эски Лескенде да 110 кюч бла ишлеген трансфоматорну бузулгъан аберилерин  жангыртхандыла.  Эсге сала айтсакъ, Эски  Лескенде  жети минг адам жашайды, юч  уллу предприятие, он социал учреждение  ишлейди эм гитче бизнесде къармашханла да кёпдюле.  

Саулай айтханда,    подстанцияла эм башха электрокюч объектле да   кюз эм къыш  кезиуледе сылтаусуз ишлерча этиледиле.