Ипотекагъа сурам уллулай къалады

Биринчи апрельни эсеплерине кёре, Россельхозбанкны Къабарты-Малкъарда бёлюмюню (РСХБ) розница бохчасыны ёлчеми 2 миллиард сомдан атлагъанды, деп билдириледи  финанс учрежденияны пресс-службасындан.

Быйыл банк 177,4 миллион багъасы 329 розницалы ёнкюч бергенди.   Асламысында адамла ипотека, бир тюрлю затха  хайырланыучу ёнкючлени эм   кредит карталаны  аладыла.  Алай бла бюгюнлюкде жашау журт алыргъа берилген ахчаны ёлчеми 51,5 процентге жетеди.

- Бёлюмню розница бизнеси къыстау айный барады. Кредитле бла сервислени игилендириу, тюрлю-тюрлю къыйматлы программаланы хайырланыу банкны кредит бохчасын айнытырча ахшы себеплик этедиле, - дейди  банкны  розница бизнес жаны бла бёлюмюню таматасыны орунбасары  Олеся Кодзокова.