ГЭС-леде - кезиулю тапландырыу ишле

РусГидро компанияны Къабарты-Малкъарда бёлюмюню специалистлери Аушигерде бла Басхан шахарда ГЭС-леде биришер гидроагрегатха тынгылы ремонт этип, ызы бла аланы хайырланыргъа бергендиле. Энергетикле айтханларыча, тийишли ишле быйыл жаз башыны аллында башланнган эдиле. Аланы тамамлаугъа «Гидроремонт-ВКК» предприятияны специалистлери къатышхандыла.

Быллай станциялада хар гидроагрегатны ол бир талай заманны ишлегенден сора жангыртыргъа тюшеди. Шёндюгю ремонтну кезиуюнде специалистле аланы чархын, статорларын, роторларын, тюрлю-тюрлю аппаратларын, системаларын да жангыртхандыла. Аны бошагъандан сора агрегатланы жерине элтип орнатхынчы сынау халда ишлетип кёргендиле.

Ремонт этилгенини хайырындан станцияла мындан арысында да ышаннгылы ишлеп турлукъдула, деп белгилегендиле РусГидрода.