Почта бла хайырланнганла кёбейгендилеКъабарты-Малкъарны почта бёлюмлери 2019 жылда 345 минг келген посылканы эмда 35 минг EMS-ни алыучулагъа жетдиргендиле. Аны аллындагъы жыл бла тенглешдиргенде, бу кёрюмдю иги да бийикди, аны бла бирге ашырылгъан посылкаланы ёлчеми да ёсгенди. Россейни почтасы бла хайырланнганланы саны ёсгени Интернетде сатыу-алыу айный баргъаны ючюндю. Арт жыллада ашырылгъан затланы жетдириу логистика бла электрон халда кёрюмдюлени алышындырыу айныгъаны бла байламлыды. Аланы болжаллары 150 шахарда тюрленнгенди, кёбюсюнде 100 мингден аслам адам жашагъан жерледе, бизни ара шахарыбыз да ол сандады. Сёз ючюн, миллион адамлы шахарладан къыйырдагъы аралагъа посылканы жетдириу 2-3 кюннге дери терк болгъанды. 2016 жылдан бери ол болжалны биринчи уллу къысхартылыууду. Почта службаны федерал управлениясыны КъМР-де бёлюмюню башчысы Заур Вороков 2019 жылны эсеплери почтаны жалчытыу ишине халкъны сейири ёсе баргъанын кёргюзтгенин эмда келир заманда аны ол ишин бютюнда игилендириу баш борчха салынырыгъын энчи чертип айтханды.
Поделиться:
Читать также:
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
| ||
