Ууну жашырын жерледе тапхандылаИнтернетде синтетика наркотик сатып алгъан юч инсан тутулгъандыла. Ала ууну шахарны районларында жашырын жерледе тапхандыла. Быйыл 13 мартда полицияны участка уполномоченныйи Фурманов атлы орамда 34-жыллыкъ шахарчыны тохтатханды. Аны кёнчеклерини хуржунунда къара полимер артмакъ бар эди. Экспертиза бардырылып, аны ичинде «n-метилэфедрон» уу болгъанын, аны ауурлугъу 0,77 граммгъа жетгенин белгили болгъанды. Тутулгъанны айтханына кёре, ол наркотикни Интернет-сайтладан биринде сатып алгъанды. Ол къалайда букъдурулгъанын да тюкенчи белгили этгенди. Ол аны кеси ичерге сатып алгъанын айтханды. 14 мартда уа къоншу республикаладан биринден 37-жыллыкъ эр киши тутулгъанды. Полициячыла Идаров орамда автовокзалны тийресинде къуллукъ эте, анга ишекли болгъандыла. Аны тинтгенлеринде, кёнчегини хуржунунда къара артмакъ тапхандыла. Ол да «n-метилэфедрон» уу эди, ауурлугъу 0,42 граммгъа жетеди. Быллай наркотик дагъыда Прохладна шосседе газ заправканы къатында 39-жыллыкъ эр кишиде да табылгъанды. Бу шартла бла байламлы РФ-ни УК-сыны 228-чи статьясыны 1-чи кесегине кёре терслеу материалла жарашдырылгъандыла. Тутулгъанла наркотиклени законлагъа бузукълукъла этип сатып алгъанлары, асырагъанлары эм биргелерине жюрютгенлери ючюн терсленедиле.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|