Жолчула суула кётюрюлюр кезиуге хазырдыла

Жаз башында эмда жайда суула кётюрюлген кезиуледе Росавтодорну автомашина жоллагъа къарагъан «Кавказ» управлениясы жоллада    къоркъуусузлукъну жалчытыргъа хазырды. Аны бла байламлы  Шимал - Кавказ федерал округну жолларында  167 энчи техника ишлерикди  эм  комиссия да   череклени халларына  контроль бардырлыкъды, деп билдириледи ведомствону сайтында.   

Бюгюнлюкде специалистле Къабарты-Малкъарда, Къарачай-Черкесде, Шимал Осетияда, Ингушетияда, Чеченде, Дагъыстанда эм   Ставрополь крайда   федерал  автомашина жолланы  суу басаргъа къоркъуулу участокланы тинтгендиле.    Аны чеклеринде 21 къоркъуулу жер табылгъанды.   Саулай айтханда, аланы узунлукълары  35 километрге жетеди.    Аладан экиси   «Астрахань – Элиста – Ставрополь» Р-216 бла Ставропольда  «Кавказ» Р-217 трассалада  2,1 километр чакълы уллу  объектледиле.   Дагъыда аладан гитчерагъы   «Прохладный – Баксан – Элбрус» А-158 жолда барды. 

 

Магометланы Сулейман.
Поделиться: