Республикада, андан тышында да - биринчиле

Малгобекде волейболдан, Тиширыуланы халкъла аралы кюнюне жораланып, эришиу къуралгъанды, анга Чеченден, Ингушетиядан, Нальчикден бла Къабарты-Малкъар къырал университетден командала къатышхандыла. 

Оюнланы эсеплерине кёре, биринчи жерни университетни командасы алгъанды. Экинчи жерге Чеченни келечилери чыкъгъандыла, Ингушетиядан къауум а ючюнчю болгъанды. 
Ызы бла университетчиле республикалы эришиуде да хорлагъандыла. Ол да, байрамгъа аталып, Нальчикде «Гладиаторда» къуралгъан эди.

Анда экинчи жерни Россейни Почтасыны, ючюнчюню «Сбербанкны» командасы алгъандыла. 
Спортчуланы тренерле педагогика илмуланы кандидаты Анна Коноплева бла регионну волейболдан федерациясыны президенти Руслан Гоноков юйретедиле.