Республиканы атындан – Россейни биринчилигине

Шимал-Кавказ федерал округну республикаларындан бла крайларындан 21 жыллары толмагъан бек кючлю гёжефле Махачкъаладан Россейни грек-рим тутушуудан биринчилигине тюшер ючюн къаты кюрешгендиле.

Элбрус районда олимпиадалы резервни Байзуллаланы Юсюп атлы спорт школуну келечиси Локияланы Аслан, 60 килограммгъа дери ауурлукълары болгъанланы араларында эрише, ахшы кёрюмдюле болдургъанды.

Эришиулени кезиуюнде жашха чып тюшгени себепли  ол жарым финалда толу кюч бла  тутушалмагъанды да, къаты кюрешде дагъыстанлы гёжефге оздургъанды. Ючюнчю жер ючюн демлешгенде уа, башха спортчугъа чырт онг бермегенди – аны 9:0 эсеп бла хорлагъанды. Энди Локия улу юниорланы араларында Россейни биринчилигине Къабарты-Малкъарны атындан къатышырыкъды. Эришиуле апрельни башында Хабаровскда бардырыллыкъдыла.

Асланны Россейни сыйлы тренери Локияланы Юрий юйретеди.

Анатолий ТЕМИРОВ.
Поделиться: