Республиканы аш-азыкъ продукциясы - Эмиратлада

Бу кюнледе Бирлешген Арап Эмиратлада (ОАЭ) аш-азыкъны эмда къонакъ юйлеге бла ашханалагъа оборудованияны GulFood 2020 деген 25-чи халкъла аралы кёрмючю башланнганды. Ол кеси да «Аш-азыкъны магъанасын жангыдан тергеу» деген чакъырыу бла бардырылады. Анга къатышханланы бла къонакъланы шёндюгю амалла бла шагъырейленирге, ашланы татыуларын да кёрюрге, белгили специалистле эм экспертле бла ушакъ этерге онглары боллукъду.

Кёрмючде эки бёлюм ишлейди. Аладан бири - INGREDIENTS Middle East. Анда аш-азыкъны бла щербет сууланы чыгъарыуда хайырланылгъан затла кёргюзтюледиле. Технологияла, оборудование эмда продукция бла уа RESTAURANT & CAFE Middle East шагъырейлендиреди.
Бизни республикадан кёрмючле «Велес-Агро», «Фрукт-Трейд» эм «Радуга» предприятияла къатышадыла. Ала тауукъ эт, жемиш суула, алмала элтгендиле. Алагъа КъМР-ни Экономиканы айнытыу министерствосу, Предпринимательствогъа себеплик этиу арасы болушхандыла, деп билдиргендиле ведомстводан.

Улбашланы Мурат.
Поделиться: