Ахчаларын банкда асырагъанланы саны

Былтыр республикада банклада жыйылгъан ахчаны ёлчеми буруннгу жылдан бери  сегиз процентге кёбейгенди эмда 50,2 миллиард сомгъа жетгенди, деп билдиргендиле РФ-ни Ара банкыны Къабарты-Малкъарда бёлюмюнден.

Ол ахчаны асламысын  (77 проценти) инсанла салгъандыла. Аланы депозитлерини ёлчеми 38,8 миллиард сомдан атлагъанды. Адам санына тергегенде,  44,7 минг сом болады.

Бёлюмню башчысы Анатолий Тхамоков айтханнга кёре, ала ючюн тёленнген процент ставкала инфляциядан уллудула. Ол а депозитлеге сурамны къозгъайды. Къырал учрежденияланы эм башха организацияланы счётларында уа 5,5 миллиард сом сакъланады.

Улбашланы Мурат.
Поделиться: