Окъуучуланы билимли эмда патриотла болургъа чакъыргъандыла

Кёп болмай Уллу Хорламны -75 жыллыгъыны чеклеринде бардырылгъан   «Жигитлени къабыргъасы» деген регионла аралы жаш тёлю патриот проектни чеклеринде Шалушканы 1-чи номерли орта школунда  Россейни Жигитлери -  запасдагъы генерал-майор Сергей Тулин,  сыйлы аскер лётчик Владимир Алимов, гвардияны полковниги Аркадий Корольков  эм Аскер кючлени  офицерлерини «МЕГАПИР» миллет ассоциациясыны  келечилери болгъандыла.

Къонакъла  окъуучула бла тюбешиулеринде  жашау жолларыны, ол санда  ишлерини    юсюнден да  сейир  хапарла айтхандыла.   Жаш адамланы иги окъургъа,   патриотла болургъа эм   Уллу Ата журт  урушда хорламны келтиргенлени эсде тутаргъа    чакъыргъандыла.  Школчула да   кёп тюрлю соруула  берип, алагъа толу  жууап тапхандыла.    

Ызы бла ала элни Маданият юйюнде  болгъандыла, элни тарыхы бла шагъырейленнгендиле,  «Жигитлени къабыргъасына» гюлле  салгъандыла. Ахырында 105 жылы болгъан Куна Варитлованы да жокълап, Хорламны 75-жыллыгъыны майдалы бла саугъалагъандыла.

 

Поделиться: