Жолгъа биягъы эсирип чыкъгъандыБахсан районну полициячылары аварияны юсюнден шартланы тинтген кезиуде водитель эсирип болгъанын ачыкълагъандыла. Бу кюнледе ингирде 23 сагъатда Заюков элни тийресинде «ВАЗ-21101» эмда «ВАЗ-2113» машинала къагъышхандыла. Аны кезиуюнде адам ачымагъанды. Аварияны сылтауларын тинтген кезиуде жол-патруль службаны инспекторлары машиналадан бирини водителине ишекли болгъандыла. Медицина тинтиуле кёргюзтгенлерича, 31-жыллыкъ эр киши жолгъа эсирип чыкъгъанды. УГИБДД-да болгъан шартланы сюзгенде уа, ол машинасын ичип жюрютгени ючюн алгъын административ жууапха тартылгъаны тохташдырылгъанды. Водительге бу шартла бла байламлы уголовный иш ачылгъанды. Машинасы энчи жерге элтилгенди.
Поделиться:
Читать также:
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
14.03.2024 - 10:00 →
Ууну юйюнде асырагъанды
14.03.2024 - 09:59 →
Казна ахчаны – хуржуннга
13.03.2024 - 16:21 →
Адамланы ийнаннганлары бла хайырланадыла
|