Жашны машина бла басдырып, къачып къутулгъанды

Жаш адамны машинасы бла басдырып, къачып къутулургъа умут этген бузукъчу  табылгъанды.    

 Быйыл 12 январьда 6 сагъат 45 минутда Майский шахарда Железнодорожная орамда машина 19-жыллыкъ жаш адамны басдыргъанды. Ол ауур жаралары бла саулукъ сакълау учреждениягъа жетдирилгенди. Жаш адамны саулугъуна заран салгъан водитель авария болгъан жерден къачып къутулгъанды. 

Болсада тийишли мадарла толтуруп, Май районну право низамны сакълаучулары бу бузукълукъну этген инсанны ачыкълагъандыла. Ол 62-жыллыкъ эр кишиди. Ол «Лада-Гранта» машинасын жууукъларыны арбазында букъдургъанды. Транспортда урулгъан жерлери бар эдиле. 

Бу шартла бла байламлы тинтиуле бардырыладыла.